ភ្នំពេញ ថ្ងៃទី១ ខែសីហា ឆ្នាំ២០២០ សម្តេចតេជោ បញ្ជាក់ថាកសិកម្ម ក្លាយ​ជា​ឱកាស​មួយ ស្របពេលនៃការ​ផ្ទុះ​ឡើង​នៃ​មេរោគ​កូវីដ​១៩

ភ្នំពេញ ថ្ងៃទី១ ខែសីហា ឆ្នាំ២០២០ៈ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចាត់ទុកការធ្វើកសិកម្ម ជាឳកាសមួយ ដើម្បី​បង្កើន​នូវ​កាលា​នុវត្តន៍​ក្នុង​ការ​ដាំ​ដុះ និង​ចិញ្ចឹម​សត្វ ដើម្បី​ផ្គត់​ផ្គង់​ក្នុង​ស្រុក។ តាមរយៈបណ្តាញទំនាក់ទំនងសង្គមហ្វេសប៊ុកផេកផ្លូវការ នាព្រឹកថ្ងៃទី១ ខែសីហា ឆ្នាំ២០២០នេះ សម្តេចតេជោ បានលើកឡើងថា «ការ​ផ្ទុះ​ឡើង​នៃ​មេរោគ​កូវីដ​១៩ នៅ​ជុំវិញ​ពិភព​លោក បាន​ធ្វើ​ឲ្យ​វិស័យ​ឧស្សាហ​កម្ម សេវា​កម្ម និង​ទេសចរណ៍​កម្ពុជា​មាន​ការ​ធ្លាក់​ចុះ​ តែផ្ទុយ​ទៅ​វិញ វិស័យ​កសិកម្ម​កម្ពុជា បាន​ក្លាយ​ជា​ឱកាស​មួយ ដើម្បី​បង្កើន​នូវ​កាលា​នុវត្តន៍​ក្នុង​ការ​ដាំ​ដុះ និង​ចិញ្ចឹម​សត្វ ដើម្បី​ផ្គត់​ផ្គង់​ក្នុង​ស្រុក។ ជាមួយគ្នានោះ សម្តេចតេជោ បានណែនាំដល់បងប្អូនប្រជាកសិកត ត្រូវបង្កើនការដាំ​ដុះ ដើម្បី​បំរើ​ឲ្យ​ទីផ្សារ​ក្នុង​ស្រុក​ទាំង​អស់ ខណៈ​ដែល​មិន​មាន​ការ​នាំ​ចូល​ទំនិញ បន្លែ​បង្កា​មក​កម្ពុជា​នៅ​ក្នុង​អំឡុង​ពេល​នេះ​ ជាពិសេសត្រូវខិតខំបន្ថែមទៀត នូវគោលដៅនាំអង្ករមួយលានតោននាពេលខាងមុខ។

Post a Comment

0 Comments