(លោក ចូ បៃ​ឌិន) ប្រធានាធិបតីថ្មី នៃសហរដ្ឋអាមេរិក​ បាន​និយាយថា>... (Joe Biden) The new President of the United States said ...

ថ្ងៃចេញផ្សាយ ថ្ងៃទី២៥ ខែវិច្ឆិកា ឆ្នាំ២០២០ៈ (លោក ចូ បៃ​ឌិន) ប្រធានាធិបតីថ្មី នៃសហរដ្ឋអាមេរិក​ បាន​និយាយថា សហរដ្ឋអាមេរិក នឹង​ត្រៀមខ្លួន​ដឹកនាំ​ម្ដងទៀត​លើ​ឆាក​អន្តរជាតិ ដោយ​ទាត់ចោល​គោលនយោបាយ (America First) របស់​ប្រធានាធិបតី​ជិត​ផុត​អាណត្តិ ( លោក ដូ​ណា​ល់ ត្រាំ​)។​ អាមេរិក​ក្រោម​ការដឹកនាំ​របស់លោក ត្រាំ ក្នុងពេល​៤​ឆ្នាំ បាន​បង្ក​ភាពល្អក់​កករ​ជាមួយ​សម្ព័ន្ធមិត្ត​ជាច្រើន​ក្នុង​តំបន់​អឺរ៉ុប និង​ប្រទេស​ផ្សេងទៀត​ក្នុង​ពិភពលោក ជាមួយ​ការដាក់​សម្ពាធ​លើ​សមាជិក​អង្គការ​ណា​តូ​ពាក់ព័ន្ធ​ថ្លៃ​ចំណាយ​ការពារជាតិ និង​ការដំឡើង​ពន្ធ​ជាដើម​។ លោក ត្រាំ ក៏បាន​បោះបង់ចោល​កិច្ចព្រមព្រៀង​អន្តរជាតិ​ជាច្រើន​ចាប់ពី​អាកាសធាតុ ពាណិជ្ជកម្ម អាវុធ​នុយក្លេអ៊ែរ និង​សុខភាព​សាធារណៈ ហើយ​បង្កើន​ភាពស្អិតល្មួត​ជាមួយ​មេដឹកនាំ​ផ្ដាច់ការ ដែល​ផ្ទុយ​នឹង​គុណ​តម្លៃ​លោកខាងលិច​។ 

គោលនយោបាយ​ការបរទេស​ក្រោម​រដ្ឋបាល​លោក បៃ​ឌិន ទំនងជា​ឲ្យ​តម្លៃ​ខ្ពស់​លើ​គោលនយោបាយ​ពហុភាគី​និយម ដែលមាន​គោលដៅ​ផ្សះផ្សា​ទំនាក់ទំនង​ក្រុង​វ៉ាស៊ីនតោន​ជាមួយ​សម្ព័ន្ធមិត្ត​សំខាន់ៗ ក៏ដូចជា​ដើរ​លើ​មាគ៌ា​ថ្មី​លើ​បញ្ហា​បម្រែបម្រួល​អាកាសធាតុ​។  នេះ​គឺ​ស្តែង​ចេញពី​ការតែងតាំង​លោក ច​ន ឃែ​រី អតីតរដ្ឋមន្ត្រី​ការបរទេស និង​ជា​តួអង្គ​ចម្បង​មួយ​ក្នុង​ការចចារ​បង្កើត​កិច្ចព្រមព្រៀង​អាកាសធាតុ​ក្រុងប៉ារីស ធ្វើជា​ប្រេសិត​ប្រធានាធិបតី​ពិសេស​ទទួលបន្ទុក​កិច្ចការ​អាកាសធាតុ។ សូមអរគុណ!

 English...

November 25, 2020 - The new President of the United States, Joe Biden, says the United States will be ready to lead the international arena again by kicking the politics of (America First) The outgoing President (Donald Trump). Thank you!