អធិការ​នគរបាលស្រុកកំរៀង ខេត្តបាត់ដំបង ត្រូវបានដក​ឋានន្តរ​ស័ក្តិ និងបណ្តេញចេញពីក្របខ័ណ្ឌមន្រ្តីនគរបាលជាតិ ដោយមូលហេតុ...

កាលពីថ្ងៃទី១៥ ខែកុម្ភៈ ឆ្នាំ២០២១នេះ សម្តេចអគ្គមហាសេនាបតីតេជោ (ហ៊ុន សែន) នាយករដ្ឋមន្រ្តីនៃព្រះរាជាណាចក្រកម្ពុជា បានសម្រេច​ចុះហត្ថលេខាលើអនុក្រឹត្យ​ដក​ឋានន្តរ​ស័ក្តិ លោក (គឹម ពន្លត) ដែល​ជាអធិការ​នគរបាលនៃស្រុកកំរៀង ខេត្តបាត់ដំបង និងបណ្តេញចេញពីក្របខ័ណ្ឌមន្រ្តីនគរបាលជាតិ បន្ទាប់ពីក្រុមស្រាវជ្រាវរកឃើញថា អធិការ​ស្រុក​រូបនេះ ពិតជាបានដោះលែងមេខ្យល់ ដែលនាំមនុស្សឆ្លងដែនខុសច្បាប់ ពីប្រទេសថៃ ចូល​ទឹកដី​កម្ពុជា។ ចំពោះករណីនេះផងដែរ សម្តេចក្រឡាហោម (ស ខេង) ឧបនាយករដ្ឋមន្រ្តី និងជារដ្ឋ​មន្រ្តីក្រសួងមហាផ្ទៃ បានបញ្ជាក់យ៉ាងច្បាស់ថា ករណីលោក (គឹម ពន្លត) គឺជាគំរូសម្រាប់​ថ្នាក់ដឹក​នាំនគរបាលផ្សេងទៀត ដើម្បីជៀសវាងនៅការបង្កើតកុំហុសឆ្គងក្នុងវិជ្ជាជីវៈ ជាហេតុដែលបង្កឱ្យទទួលការ​ពិន័យ ឬទណ្ឌកម្ម ដកហូតឋានន្តរ​ស័ក្ត និងបណ្ដេញចេញ។ ការលើកឡើងរបស់សម្ដេចក្រឡា​ហោម​ (ស ខេង) នៅក្នុងឱកាសអញ្ជើញជាអធិបតី ក្នុងពិធីប្រគល់រថយន្តជូនស្នងការដ្ឋាន​នគរបាល​ ខេត្ត នាព្រឹកថ្ងៃទី១៦ ខែកុម្ភៈ ឆ្នាំ២០២១ ​ក្នុងទីស្តីការក្រសួងមហាផ្ទៃ។ ពាក់ព័ន្ធនឹងករណីនេះដែរ ប្រមុខរាជរដ្ឋាភិបាលកម្ពុជាក៏បានបញ្ជាឱ្យអភិបាលខេត្ត និងអគ្គស្នងការនគរបាលជាតិ ត្រូវបន្តចាត់ការ និងអនុវត្តន៍តាមផ្លូវច្បាប់ទៀត ដើម្បីផ្តន្ទាទោស​បុគ្គលរូបនេះ ដាក់ពន្ធនាគារឱ្យខាងតែបាន ដើម្បីជាការព្រមានដល់ជនទាំង​ឡាយដែលប្រព្រឹត្តបែបនេះទៀត។ សូមអរគុណ!